FAU-G ಆಕ್ಷನ್ ಗೇಮ್ ಅಭಿವೃದ್ಧಿಪಡಿಸಿರುವ ಕಂಪನಿ ಎನ್‌ಕೋರ್ ಗೇಮ್ ಬೆಂಗಳೂರಿನಲ್ಲಿ ಪ್ರಧಾನ ಕಚೇರಿ ಹೊಂದಿದೆ. ಚೀನಾದ ಆ್ಯಪ್ ಮತ್ತು ಗೇಮಿಂಗ್‌ಗೆ ದೇಸಿ ಕಂಪನಿಗಳು ಸಡ್ಡು ಹೊಡೆಯುತ್ತಿದ್ದು, ಚೀನಾ ಪೆಚ್ಚಾಗುತ್ತಿದೆ.
ದೇಶದಲ್ಲಿ ಚೀನಾ ಮೂಲದ ಗೇಮ್ ಮತ್ತು ಅಪ್ಲಿಕೇಶನ್‌ಗಳ ನಿಷೇಧದ ನಡುವೆಯೇ ದೇಸಿ ಅಪ್ಲಿಕೇಶನ್ ಮತ್ತು ಗೇಮಿಂಗ್ ಸರಣಿಯಲ್ಲಿ ಹೊಸ ಹೊಸ ಆ್ಯಪ್ ಸದ್ದು ಮಾಡುತ್ತಿದೆ. ಇದರ ಬೆನ್ನಲ್ಲೇ PUB-G ಮೊಬೈಲ್ ಮತ್ತು PUBG ಮೊಬೈಲ್ ಲೈಟ್ ಗೇಮ್ ಅನ್ನು ದೇಶದಲ್ಲಿ ನಿಷೇಧಿಸಲಾಗಿದೆ. ಅದಕ್ಕೆ ಪ್ರತಿಯಾಗಿ ನೂತನ FAU-G ಗೇಮ್ ಸ್ಮಾರ್ಟ್‌ಫೋನ್ ಲೋಕಕ್ಕೆ ಪ್ರವೇಶಿಸಲು ಸಜ್ಜಾಗಿದೆ.
Supporting PM @narendramodi’s AtmaNirbhar movement, proud to present an action game,Fearless And United-Guards FAU-G. Besides entertainment, players will also learn about the sacrifices of our soldiers. 20% of the net revenue generated will be donated to @BharatKeVeer Trust #FAUG pic.twitter.com/Q1HLFB5hPt
— Akshay Kumar (@akshaykumar) September 4, 2020
FAU-G ಆಕ್ಷನ್ ಗೇಮ್!
ಫಿಯರ್‌ಲೆಸ್ ಆಂಡ್ ಯುನೈಟೆಡ್ ಗಾರ್ಡ್ಸ್ ಎನ್ನುವ ಆಕ್ಷನ್ ಗೇಮ್ ಕುರಿತು ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಟ್ವೀಟ್ ಮಾಡಿದ್ದು, ದೇಸಿ ಕಂಪನಿ ಅಭಿವೃದ್ಧಿಪಡಿಸಿರು ಈ ಗೇಮ್ ಶೀಘ್ರವೇ ಬಳಕೆದಾರರಿಗೆ ಲಭ್ಯವಾಗಲಿದೆ. ಅದರಲ್ಲೂ ಈ ಗೇಮ್ ನಮ್ಮ ಹೆಮ್ಮೆಯ ಸೈನಿಕರ ಬಗ್ಗೆ ಗೌರವ ಹೆಚ್ಚುವಂತೆ ಮಾಡುತ್ತದೆ. ಅದಕ್ಕೂ ಮಿಗಿಲಾಗಿ, ಈ ಗೇಮ್‌ನ ಒಟ್ಟಾರೆ ಆದಾಯದಲ್ಲಿ ಶೇ. 20 ಅನ್ನು ಭಾರತ್ ಕೆ ವೀರ್‌ ಟ್ರಸ್ಟ್‌ಗೆ ನೀಡಲಾಗುತ್ತದೆ ಎಂದು ತಿಳಿಸಿದ್ದಾರೆ.
ಜೊತೆಗೆ ಪ್ರಧಾನಿ ನರೇಂದ್ರ ಮೋದಿಯವರ ಆತ್ಮನಿರ್ಭರ್ ಭಾರತ್ ಯೋಜನೆಗೆ ಇದು ಹೆಚ್ಚಿನ ಒತ್ತು ನೀಡಲಿದ್ದು, ದೇಸಿ ಆ್ಯಪ್ ಮತ್ತು ಗೇಮಿಂಗ್ ಅಭಿವೃದ್ಧಿಪಡಿಸಲು ಅನುಕೂಲವಾಗಲಿದೆ ಎಂದಿದೆ.
ಬೆಂಗಳೂರಿನ ಕಂಪನಿ
ಫಾ-ಜಿ ಆಕ್ಷನ್ ಗೇಮ್ ಅಭಿವೃದ್ಧಿಪಡಿಸಿರುವ ಕಂಪನಿ ಎನ್‌ಕೋರ್ ಗೇಮ್ ಬೆಂಗಳೂರಿನಲ್ಲಿ ಪ್ರಧಾನ ಕಚೇರಿ ಹೊಂದಿದೆ. ಚೀನಾದ ಆ್ಯಪ್ ಮತ್ತು ಗೇಮಿಂಗ್‌ಗೆ ದೇಸಿ ಕಂಪನಿಗಳು ಸಡ್ಡು ಹೊಡೆಯುತ್ತಿದ್ದು, ಡ್ರ್ಯಾಗನ್‌ ಪೆಚ್ಚಾಗುತ್ತಿದೆ.
ಇಂತಹ ಮಾಹಿತಿಯನ್ನು ಕನ್ನಡದಲ್ಲಿ ಪಡೆಯಲು ಸ್ಪೇಸ್ ನ್ಯೂಸ್ ಪೇಜ್ ಗೆ ಲೈಕ್ ಮಾಡಿ.
ಜಾಹೀರಾತು ನೀಡಲು ಎಡಗಡೆ ಕಾಣುವ ವಾಟ್ಸಪ್ ಮೇಲೆ ಕ್ಲಿಕ್ ಮಾಡಿ